Thursday, August 11, 2016

චරිත තුනක් - කඳුළු ගොඩක්


සහෘදයන්ගේ වෙන්වීම් ගැන එක දිගට ලියන්නට වීම ඛේදයකි.
විජය අයියා මහා හිතවතෙක් නොවේය.නමුත් සහෘදයෙකි.හමු වී ඇත්තේ අවස්ථා කිහිපයකදී පමණි.දේවිකා මිහිරාණිගේ වැඩිමහල් සොහොයුරියක අතුරුගිරියේ වල්ගම සිටින්නේය.මම එහි පදිංචිව සිටි සමයේ ඒ සොහොයුරියගේ සැමියාගේ සාප්පුවට අල්ලපු නිවසේ මම සෑහෙන කාලයක් විසුවේය.
එවකට විවාහ නොවි සිටියද යෞවන සමාජය සහ ක්‍රීඩා සමාජය නිසා එම ප්‍රදේශයේ පාසලේ ද දරුවන් සමග බොහෝ කලා සහ සමාජ වැඩට මම කැදවීය.අද මට සිටින පුතු මෙන්ම මානසික වර්ධනයේ යම් අඩුවක් ඇති පුතෙක් දේවිකා මිහිරාණිගේ සොහොයුරියටද සිටි අතර ඇතැමෙක් ඔහුව අවතක්සේරු කරන්නට විසුළු කරන්නට උත්සාහ ගත්තද මම ඔහුට බෙහෙවින් ආදරය කළේය.ඒ නිසාම ඔහු මා කෙරෙහි දැක් වූ ලෙංගතුකම නිසා ඒ පවුලම අප පවුලේ හිතවතුන් විය.
තරුණ සේවා සභාවේ නාට්‍ය පාඨමාලාවද කරමින් සිටි බැවින් සහ යෞවන සම්මාන ආදියේ යම් ජයග්‍රහණද අත් කරගෙන සිටි බැවින් විජය අයියාගේ මස්සිනා මට ඔහුව ආ ගිය විට මුණ ගැස්සුවේය.එවකට එකම විකට චරිතයක් හෝ රඟ නොපා සිටි ඔහු මා දැන සිටියේ දක්ෂ නළුවෙක් බව පමණය.විකට චරිතවලට ඔහු කළ සාධාරණය ඔහු අති දක්ෂ නළුවෙක් බවට මා සිත තුළ ගෞරවයට පාත්‍ර කරවීය.
මල්ලි ඕඩියන්ස් එක රඟපාවන්න ඕනි....
පෙර කලෙක නළුකම ගැන ඔහු මට කියූ වචනය මා තේරුම්ගත්තේ ඔහු විකට චරිත රඟපාන විටය.එහිදි ඔහු ප්‍රේක්ෂකයා වඩාත් ක්‍රියාශීලී ලෙස නාට්‍යයේ කොටස්කරුවන් කර ගත්තේ බඩ කොර කරමින්ය.
නමුත් මා පෞද්ගලිකව සිතන්නේ ඔහු ඊට කොටු වූ බවය.ඔහු ගැන බර සැහැල්ලු වූ බව මඟේ හැ ගීමය.එය විජය අයියාගේ වරදක් නොවන්නේය.ඔහු මේ කමයේ ගොදුරක්ව ජීවත්වීම සඳහා හොඳ මිලක් ලැබෙන මඟකට තල්ලු කළේය.තරඟකාරී භෞතික සමාජ වටපිටාව ඔහුව ඩැහැ ගත්තේ අප කුමන තරාතිරමකින් තිරණ ගෙන ඔහු ගැන නිගමන ගත්තද,ඔහුට ඔහුගේ පවුල ගැන හොඳ සංතෘප්තියක් ලැබිය හැකි කරුණු ඉටු කරමින්ය.ඒ නිසා ඔහු සතුටින් නික්ම ගිය බව කිව හැකිය.
එල්මෝ ද සමීප හිතවතෙක් නොවේය.ඔහු තාත්තාගේ මිතුරෙකි.මා ඒ බව කියා ඇත්තේ එක් වරකි.
නැහැ කෝ දැන් නෙවිල්...?
ඒ අසන විටත් තාත්තා දැන්එ ල්මෝ පිවිිසි මඟට ඇතුල් වී තිබිණි.ඔහු තදින් කම්පා විය.
නමුත් අපි යළි හමු වූ විට ඒ ගැන කතා කළේ නැත.ක්‍රීඩාව ගැන මා කරන කියන දේ අසා ඊට ප්‍රශංසා කරා හැරෙන්නට සහ දිරිමත් කළා හැරෙන්නට ඔහු ඊට වඩා දේ කියා නැත.එහෙත් ඔහු කියන දේ අව්‍යාජ සුබ පැතිම් බව දැණුනු බැවින් මම ඔහුට බෙහෙවින් ගරු කළේය.
යළි තාත්තා ගැන මගෙන් නොඇසුවේ ඔහු මගේ නම දැන ගත්තේ තාත්තා ගැන කතා කළාට පසුව නිසා විය යුතුය.කලින් කළට වෙනස්වන මගේ කොණ්ඩයේ හැඩය ඊට බලපාන්නට ඇති බව මගේ හැඟීම විය.නමුත් යළිත් මට ඒ කතාව ඔහුට කියන්නට හිත දුන්නේ නැත.මට ඒ නිසා ඒ ගැන ඔහුව පරික්ෂා කරන්නට නොහැකි වුවත් වයසට වඩා වැඩ කළ හැකි,වෙහෙස ගැන මහන්සිය ගැන තැකීමක් නොකළ ඔහු මට වෙහෙස නොබලා වැඩ කරන්නට ආදර්ශයක් විය.
එල්මෝට පුළුවන්නම් මට බැරිද?
මම වෙහෙස දැණුනු අවස්ථා කිහිපයකදීම මගේ හිත හදා ගන්නට ඒ සිතුවිල්ල පහළ කර ගත්තේය.නමුත් ඒ හති නොවැටෙන මිනිසා නික්ම ගොස්ය.ඒ අපූර්වත්වයද යළි අපට විදින්නට වන්නේ නැත.
ශ්‍රී ලාල් අයියා රන්ජන් අයියාගේ ආරාධනය පිට මා ලක්බිම පඩිපෙළ නඟින විට ද හොඳ මිතුරෙක්ව සිටියේය.යම් අවස්ථාවක ලක්බිම ක්‍රීඩා පිටුවේ අප රාවයේ කළ දේ නොමැති වීම ගැන ඔහු කණසල්ල ප්‍රකාශ කළේය.
තීරණාත්මක මොහොතේ මම ලක්බිමට ගොඩ විය.රන්ජන් අයියා මා ලෙංගතුව පිළිගත්තේය.ඔහුගේ කුටියෙන් එහා පැත්තේ සිටි ශ්‍රී ලාල් අයියා දෙස මා විමසිලිමත් වෙද්දි රන්ජන් අයියා ඔවුන් දෙදෙනා දෙපසකට වෙන් කර තිබූ වීදුරුවට තට්ටු කළේය..
යාළුවෙක් ඇවිත්...
රන්ජන් අයියාගේ කීමට හම්මට උඩු නිශ්මා කියාගෙන ඔහු පැමිණියේය.මොකද්ද වැඩේ ඔහු වටින් පැමිණ රන්ජන් අයියාගේ කාමරයට එබිණ.
දැන් ඉතිං ඉස්සරහට මෙහෙ වැඩ බලා ගන්න පුළුවන් වැනි ව්‍යංගයකින් මා එහි පැමිණි වග රන්ජන් අයියා පැවසීය..
නැහැ මරුනෙ...මම මුට කියලා තියෙනවා කීප පාරක්ම වටෙන් වටෙන් වරෙං වරෙං කියලා...එක පාරට කියන්නත් බැහැනෙ ඉතිං මුංට...
එතැන් සිට අපි එකම කාර්යාලයේ එකට වැඩ කළෙමු.සිසිර හේමකුමාර වැනි ඡායාරුප ශිල්පියෙක් මා සමඟ ක්‍රීඩා වැඩවලට යාමට සෙට් වීම මෙන්ම විශාල පිංතූර යොදා ගනිමින් පිංතූර සහිත පිටු ඉදිරිපත් කිරීමට රන්ජන් අයියාගේ ආශිර්වාදය ලැබිණ.ඒ ගැන මරු මල්ලි සිසිරයා ස්පෝර්ට්ස් වලට මළාට අරින්න බැහැ.උඹ හින්ද ඔය එන්නෙ කියා කීවේය.සිසිරයි මමයි ඒ කළ වැඩවලදි ජෙයරාජ් ප්‍රනාන්දුපුල්ලේ මහතා ඝාතනය වන විටත් එතැන ද එකටම සිටියේය.
ඔහු ගැන අපූරු මතක දෙකක් මා මෙහි ලියා තබමි.ඒවා ඔහු ගත් අමතක නොවන නිශ්චල ඡායාරූප දෙකක් මෙන් මා මනස තුළ තැන්පත්ව තිබෙනු ඇත.
සෙලින්කෝ හී විශේෂ අධ්‍යාපන පාසලක් සසෙක්ස් හී විවෘත විණි.ගීත්ට මගේ පුතු ගැන ද දන්වා ඒ සඳහා මා යොඳන්නට කටයුතු කළේ රන්ජන් අයියාය.ශ්‍රී ලාල් අයියාද එම විශය ගැන උනන්දු බැවින් එය ආවරණයට පැමිණියේ ඔහුය.අප එකට නොගිය අතර හමු වුණේ එතැනදීය.
මා මගේ පුතු ගැන එහිදි ඔහුට කීවේය.එතැන් පටන් ඔහු පුතුට ඒ පාසලෙන් කළ හැකි කුමක්දැයි සොයන්නට විය.මා සියතේ සිටියදි ලලිත් කොතලාවල අත් අඩංගුවට ගැනීමට කරුණු යෙදෙන තෙක්ම වරින්වර ඒ ගැන අලුත් තත්ත්වය මට කියන්නට ශ්‍රී ලාල් අයියා ඉදිරිපත් විය.වරෙක මා සමඟ ලක්බිමට ගොඩ වුණු පුතාගේ ඇවතුම් පැවතුම් ද ඊට හේතු වූවා විය හැකිය.
අවසාන කතාව ඔහු නවීන් දිසානායක ක්‍රීඩා අමාත්‍යවරයාව සිටි සමයේදී සිදු විය.නිමාලි ලියනාරච්ි පදක්කමක් රැගෙන බසයක ගෙදර යාම ගැන වාර්තා කළ මාධ්‍යයක් ගැන වාර්තා පළ විය.එය පළ වූ වහාම අමාතයංශය ඊට පිළියම් යෙදූ බව ශ්‍රී ලාල් අයියා මට කීවේය.නිමාලිට මුදල් ත්‍යාග හිමිවන දිනයේ නිමාලි මට එහි එන ලෙස කිවේ ඇයගේ පෞද්ගලික අවශ්‍යයතාවයක් කියමින්ය.පසුව එය බොරුවක් වූ අතර ඇයට අවශ්‍යයව තිබුණේ එම ස්ථානයට මාව කැඳවා ගැනීමය.
එහිදී ශ්‍රී ලාල් අයියා මමත් නිමාලිත් සිටි තැනට විමසිලිමත් දෑසින් පැමිණියේය.
මේ මචං අර උඹ හම්බවෙන්න ලක්බිමට එන කෙනෙක් නේද?
කලක් නිමාලි පමණක් නොව තවත් අය ද ලක්බිමට ආවේ ගියේ මාධ්‍ය වාර්තා පළ කර ගන්නට නොවේය.බස් එනතුරු විශාල කාලයක් ගෙවා දමන්නට නොහැකි වූ විටත් මා අසළට පැමිණ සිටීමට තරම් ඔවුන්ට මා විශ්වාසවන්ත විය.වරෙක ඔවුන්ව මහා රාත්‍රියේ නිවසට අල්ලා ආපිට බස් එකේ කොළඹ ආ අවස්ථාද ඒ අතර තිබිණ.රන්ජන් අයියා මේ කටයුතුවලදි මා ගැන බෙහෙවින් වර්ණා කරමින් ආශිර්වාද කරමින් මගේ මාධ්‍ය භාවිතාවට දිරි දුන්නේය.ශ්‍රී ලාල් අයියාද සෑම විටෙකම පාහේ ඡායාරූප ශිල්පීන් ලබා දෙමින් ඒ කටයුතුවලට සහය දැක්වීය.
මචං උඹල හදන්න මහන්සි වෙනවා.මුං හැදුවට පස්සෙ ඒ ළමයින්ගෙ ගමණට අවශ්‍යය දේ කරනවා නෙමෙයි ඒ ළමයි සහ අමාත්‍යංශය ඇමති කොටෝනවා.රන්ජන් කියන එක හරි.මුංට ගහන්න තියෙන්නෙ...
නිමාලි ගැන මාධ්‍ය සටහන ලියූ අය ගැන කියූ ශ්‍රි ලාල් අයියා නිමාලිට කීවේ නිශ්මා හම්බවෙන්න ලක්බිමට එද්දි මම හිටියෙ එහා කාමරේ...අපි දන්නවා ඔයාල ආව හැටි.ඔයාට මිනිස්ටර්ව කන්ටෑක් කරන්න බැරිනම් මට කතා කරන්න....
නිමාලිට සාක්කුවෙන් ඇඳ දුන් කාඩ් එක ඇය අතේ තියෙනවාදැයි මම නොදනිමි.මචං මේ වගේ තව කට්ටියක් හොයලා දීපං.මිනිස්ටර් මේවට උදව් කරන්න ලැහැස්තියි...
හැබැයි ඒ කතාවට පසු නවීන් දිසානායකට අමාත්‍යංශය අහිමි විය..දැන් ශ්‍රී ලාල් අයියාට ජීවිතය අහිමි වී ඇත...ඔහු මට මා කළ දේ ට දිරි දුන් මිනිසෙක් ලෙස කිසිදිනක අමතක නොකළ හැකිය.ලක්බිමේ ක්‍රීඩා පිටුවේ අන්තර්ගතයේ යම් වෙනසක් කරන්නට රන්ජන් අයියා මට දුන් නිදහසෙන් පල නෙලා ගන්නට ශ්‍රී ලාල් අයියාද යම යම් අවස්ථාවල අත්ත පහතට කර අල්ලා සිටියේය.ඒ මතකයේ ගෞරවය මම හදවතින්ම ඔහුගේ පය පාමුල තබමි.
යන්නැයි කියා කියන්නට හිත නැතත් යළි ආපසු නොඑන බව ඇත්තය.එහෙත් මතකය හිතෙන් නොයනු ඇත.එතැන ඔවුන් සමඟ බැදි මතකය ජීවමානව සදා රැඳෙනු ඇත.

Saturday, August 6, 2016

අනේ අනිච්ඡං සාදු !

මේ දවස්වල මේ රටේ ජනතාව වැඩිපුරම නරඹපු චිත්‍රපටයකට බාල්දියක් පෙරලන්න සාදුල බොහොම බැතියෙන් පෙරමුණු ගැසී ඇත.ඒ බුදුහාමුදුරුවන්ගේ නාමයෙන්ය.මේ කාරණයට සාදුලට උල්පන්දම් දෙන ඇබිත්ත මහත්තුරු ටිකක්ද ඊට එරෙහිව අදහස් දක්වන අයගේ අම්මාවරු පවා බඩ කරන මට්ටමෙන් කතා කරමින් ශ්‍රද්ධාව වපුරමින් සිටියි.

කවුදෝ මිත්‍යා අදහස් වපුරන චීවරධාරියෙක් ඉස්සර කියනවා මට ඇහුණ හැටියට බුදුහාමුදුරුවෝ සිටින කාලයේ වෙනත් ආගම් ගණනාවක් එරට තිබී ඇත.එම ගජ බින්නය විශ්වාස කළ යුතු නැත.ළඟදීම මේ චිත්‍රපටය ගැන කතා කරන හාමුදුරුවරු සහ මහත්තුරු  බුදුහාමුදුරුවෝ බෙලිඅත්ත පැත්තේ ඉපදී කාල්ටන් මැඳුරේ බණ කිව්ව බව ද සොයා කියා දෙනු ඇත.බුදු රජාණන් වහන්සේ බුද්ධ වංශයේ කියා උන්වහන්සේ දේශණා කර තිබෙන කතාවද බොරු බුද්ධ වංශයද ගොවිගම හෝ හකුරු හෝ ලංකාවෙ එක එක හාමුදුරුවරුන්ට මහණ වෙන්න තියෙන නිකායක කරන්නටද ඉඩ ඇත්තේය.

එතනදි ප්‍රශ්නයක් එන්නට ඇති ඉඩ තීරණය වන්නේ ඒ අය බුද්ධවංශයේ නොවී එක එක වංශයේ වීම නිසා තමන්ගේ වංශය වෙනුවෙන් කතා කරද්දීය.ඒත් කමක් නැත.ඒ වහන්සෙලා වෙනුවෙන් මරාගෙන මැරෙන මට්ටමේ ඇබිත්ත ඇබිත්තියෝ සෙට් එකක්ද සිටින නිසා බුද්ධ පුත්‍ර සිරුරුවලට අබැටක හානියක් නොවන්නට ගුටි කන්නට ඒ ඇබිත්ත අබිත්තියෝ පෙළ ගැසෙනු සැක නැත.

මේ ගරුතර උන්වහන්සෙලාට ඇතැමුන් ඉදිරියට දමන 'ගොන්යන්න' යෙදීමේ මහා පාපකර්මයට හවුල් වන අය එතරම් පහත් මට්ටමේ කේන්ති ගත යුතු නැත.වචනයක් හෝ කිව යුත්තේ තේරෙන එකෙක්ටයැයි කියා ඇතැම් අවස්ථාවලදි ඇතැමුන්ට උපදෙස් දෙන එකෙන් වැළකී සිටීමද හොඳ දෙයක් කියා මතක් කරන උන්වහන්සෙලා අපේ මුවගුළු තද කරති.

චිත්‍රපටවලට විරෝධවීම පමණක් නොව උන්වහන්සෙලාගේ මතකයෙන් ගිලිහුණු තවත් කරුණක් ද මතක් කරනු කැමැත්තෙමි.දුරක වඩින විට මුත්‍රා බරක් ඇල්ලූ විට ඉඳුල් නොවුණායැයි සිතිය හැකි ගසකට ඇල්ලීමට හෝ ඊට වැඩි දෙයක්නම් නිදහස් ඇලකට පිට්ටු බා ඒ වතුරෙන්ම බම්බුව සෝදාගෙන යාම අවුලක් අපුලක් දනවන දෙයක් නොවන්නේය.නමුත් මහජන වැසිකිළයක් වැනි දෙයක් භාවිතයට ගැනීමේදී ඊට වඩා ඉවසිලිවන්තව කල්පනා කළ යුතුය.

විශාල පිරිසකගේ දුශ්ලීල කම් මෙන්ම අසූචි ද පිරුණු ඒ බිමකින් බුද්ධ චිවරය අපිරිසිදු විය හැකිය.චීවරයේ පිළගැනීමද එයින් අඩු විය හැකිය.ඒ නිසා එවැනි අවස්ථාවක ඔබ වහන්සේලා වැසිකිළියට බුද්ධ චීවරයට අයත් කොටස් ගලවා යටට ඇද සිටින ලන්කටයක් හෝ අමුඩයක් පිටින් වැඩම කළාට කිසිවෙක් ප්‍රසිද්ධියේ නිරුවත්ව ඇවිද්දේයැයි අවලාද නොඟනු ඇත.ගල් මුල් නොගසනු ඇත.මන්ද වැඩි දෙනෙක් අශුද්ධවන්තයෝ දැනටමත් ඔබ වහන්සේලා එම යට ඇදුමවත් නැතිව ප්‍රසිද්ධියේ නිරුවත් වෙන බව විශ්වාස කරන බැවින්ය.

බය වෙන්න දෙයක් නැත.කවුරුත් කුමක් කළ ද,අනේ සාදු කියා වැළපෙන්නට යන්නේ නැත.ඔබ වහන්සෙලාගේ හැකියාව කියන්නෙ පෞද්ගලිකව කිසිවක් හම්බ කර නැත.සියල්ල ආගමටම උපයා දී ඇත.ඒ නිසා කවුරුත් වැළපෙන්නේ අනේ ආගම කියාය.ඒ තරමට ආගමික සේවයක නිරතවන ඔබ වහන්සෙලා පණ පිටින් අපාගත වෙන තරම් පාප කර්ම කරනු බව වැඩි දෙනෙක් සිතන්නේ ඔබ වහන්සෙලාගේ මඟ නොයන ඉතාම සුළුතරයක්  ස්වාමීන්වහන්සෙලා වෙනත් ධර්මයක් දෙසනු ඇති බැවිනි.

නමුත් ඔබතුමන්ලා පිං කර ඇති බව පැහැදිළිය.වඩින කාර් මෙන්ම වෙනත් වාහනද,දිව්‍ය ලෝකය කිට්ටුවටම යන්න අරක්කු මද වුවොත් ගංජා පූජා කරන තරමට බැතිමතුන් කුල්මත් කර ඇති අන්දමද අනේ වාසනාවන්ය.ධර්මයට කරන ගෞරවණිය සේවය නිසාම අපූරු කුලකතුන් හොරෙන් ඔබ වහන්සේ කෙනෙක්ගේ ඇදට වැඩියත් කිසිවක් නොකියා අවශ්‍යයනම් ලාම්පුව හෝ අල්ලා සිටින්න සූදානම් ඇබිත්ත කැළටද කියන්නට ඇත්තේ අනේ සාදු ය.

බුද්ධාගම බුදුහාමුදුරුවන්ගෙත් නොවේය.ඹබ වහන්සෙලාගේය.ඒ නිසා කිසිවකට බිය නොවි ඔබ වහන්සෙලාගේ පැවත්මට එය යොදා ගැනීමෙත්,ඔබ වහන්සෙලාට උදව් කරන කෙනෙක් වෙනුවෙන් ඔබ වහන්සෙලා එය යෙදීමත් නරක නැත.