Thursday, September 3, 2015

විපක්ෂයේ සම්බන්ධතා සම්බන්ධ කිරීමේ වගකීම පැවරුණු සම්බන්ධන්



රාජවරෝදියම් සම්බන්දන් අටවන පාර්ලිමේන්තුවේ විපක්ෂ නායකවරයා ය.1933 පෙබරවාරි 5 දා උපත ලැබූ සම්බන්ධන් උතුරේ දේශපාලන ප්‍රවාහය තුළ ප්‍රජාතන්ත්‍රවාදී ලකුණ හැටියට හැදින්විය හැකිය.

ආයුධ සන්නද්ධ අරගලයක නියැලෙමින් ඒලටීටීඊ සටන්කාමීන් සිය අයිතීන් පිළිබදව කතා කරද්දි වරෙක ඒ වෙඩි උණ්ඩවල සාහසිකත්වය හමුවේ සැඟවෙමින්ද,යුද්ධයෙන් මෙපිට ඔවුන්ගේ සැබෑ ගැටළු වල හඩ වෙමින්ද 1977 සිට මේ රටේ පාර්ලිමේන්තු දේශපාලනය තුළ රැඳුණු සම්බන්ධන මහතා වත්මන් පාර්ලිමේන්තුවේ සිටින ජ්‍යෙෂ්ඨතම දේශපාලනඥයෙකි. 

ලංකාවේ සංවර්ධන ව්‍යාපාර අතර අදත් ඉහළින් ඇගයෙන ගල් ඔය ව්‍යාපාරයේ අධිකාරිවරයෙක් වූ ඒ.රාජවරෝදම් සම්බන්ධන මහතාගේ පියා ය.ඔහුගේ ඥාතීන් වන එස්.සිවපාලන සහ එන්.ආර්.රාජවරෝදම් ද පාර්ලිමේන්තුව නියෝජනය කළ මහජන නියෝජිතයෝය.

දකුණ සමඟ ඔහුගේ සම්බන්ධතාවයන් ගො නැඟෙන්නේ ශිෂ්‍ය අවධියේමය.ශාන්ත ප්‍රැට්ට්‍රික් විද්‍යාලය - යාපනය,ශාන්ත ජෝෂප් විද්‍යාලය - ත්‍රීකුණාමලය මෙන්ම ඔහු අධ්‍යාපනය ලැබූ විද්‍යස්ථාන අතරට කුරුණෑගල ශාන්ත ආනා විද්‍යලයේත් මොරටුව ශාන්ත සෙබස්තියන් විද්‍යාලයත් එක් වන්නේය.

සංජීවන් සහ සෙන්තුරන් යන පුතුන් දෙදෙනාට ද,ක්‍රිෂාන්තිනී දියණියටද ආදරණිය පියෙකු ලෙස වගකීමෙන් බැදෙන සම්බන්ධන් මහතාගේ ආදරණිය ප්‍රියංමිබිකාව වන්නේ ලීලාවතීදේවී ය.

සම්බන්ධන් මහතා වෘත්තියෙන් නීතිඥයෙක් වන අතර ඔහු ද්‍රවිඩ එක්සත් විමුක්ති පෙරමුණ සමග සම්බන්ධ වන්නේ 1956 දී ය.එවකට 22 වන වියේ පසු වූ සම්බන්ධන මහතා පළමුවරට 1977 දි ත්‍රිකුණාමලය අසුන ජය ගනිමින් පාර්ලිමේන්තුවට පත් වෙන විට 44 හැවිරිදි වියේ පසු විය.1977 න් පසු පැවති 1989 මහ මැතිවරණය හැර සෑම මැතිවරණයකදීම ඔහුට ජනතාවගේ කැමැත්ත ඉහළින්ම හිමි විය.89 දී පමණක් ඔහුට මන්ත්‍රීවරයෙක් ලෙස තේරී පත්වීමට නොහැකි විය.

උතුරුකරයේ පීඩනයට සිමිත දේශපාලන අරගලයක නියැලි සම්බන්ධන් වර්ථමාන පාර්ලිමේන්තු ව්‍යහුය තුළ ප්‍රධාන දේශපාලන පක්ෂ දෙකම එකඟතාවයකින් ආණ්ඩුව ලෙස ජාතික ආණ්ඩු සංකල්පයට අවනතව කටයුතු කරන තත්ත්වයක් තුළ විපක්ෂ නායක ධූරයට වඩාත් සුදුස්සා විය.දේශපාලනික අර්ථයකින් සිඳු නොවුණු ඔහුගේ ප්‍රතික්ෂේප කිරීමේ ක්‍රියාවිලියට උරදුන් ගේ හදවත අභ්‍යන්තරයේ මතුවෙමින් ආවේ බොහෝ විට ජාතිවාදි කුහකත්වය විය.එසේත් නොවේනම් ස්බන්ධන් ජාතිවාදි ස්ථාවරයක පිහිටා කටයුතු කරයි යන සැකයය.

මේ ආකාරයෙන් බලන විට සම්බන්ධන් ඉදිරියේ සිය දේශපාලන පෞරෂ්‍යය සම්බන්ධයෙන් ඔප්පු කර පෙන්වීමට කරුණු දෙකක් ඇත.ජාතික දේශපාලනයෙන් උතුර වෙන් කර නොගෙන සමස්ත දේශය වෙනුවෙන් දේශපාලනික අර්ථයකින් පෙනි සිටීමට සහක්‍රියා කිරීමට ඇති පරිනත බව ඔහු පෙන්වා දිය යුතුය.ජාතියකට ප්‍රෙද්ශයකට සීමා නොවී දේශයටම බලපාන පරිදි ඔහුට හිමි වූ නායකත්වයේ වගකීම ප්‍රෙද්ශියත්වයට සිමා නොකරන මැදිහත්වීමක නියැලිය යුතුය.

සම්බන්ධන් උතුරට අයිති දේශපාලනඥයෙක් ලෙස සිතන බහුතර ජනතා මතය වෙනස් කිරීමටනම් සම්බන්ධන් උතුර ගැන පමණක් නොසිතන දේශපාලනඥයෙකු විය යුතුය.එබැවින් ඉදිරියේ දී  විපක්ෂනායක ධූරයේ වැඩිම අභියෝගය ඇත්තේ සම්බන්ධන්ටය.රට ඉදිරියේ උතුරටත් දකුණටත් බලපාන යහපාලනය ගෙන ඒමේ පොරොන්දුව රජය සතුය.ඒ පොරොන්දුව ඒ ආකාරයෙන්ම ක්‍රියාත්මක කරවීම විපක්ෂය සතුය.සම්බන්ධන්ට පැවරුණේ ඒ ක්‍රියාවලියට නායකත්වය දීමේ වගකීමය.

රටේ සමස්ත දේශපාලන ව්‍යහුයමය වශයෙන් වෙනසකට ලක් කිරීමට ජනවාරි 8 ව දා ඇති වූ වෙනස්කම ස්ථාපිත කිරීම සඳහා කොන්දේසි විරහිතව උතුරේ ජනතා මතය දිනා දීමට කටයුතු කළ සම්බන්ධන් මහතා ඒ පත් වූ ආණ්ඩුවෙන් වරදාන කිසිවක් නොපැතීය.හුදු විපක්ෂ මන්ත්‍රි ධූරය පමණක් දරමින් කටයුතු කිරීමට තරම් ඔහු ප්‍රතිපත්තිගරුක විය.

ලෝකයට ජාතියක් ලෙස නොව රටක් ලෙස සිතීමට හැකි දේශපාලන දැක්මකින් මේ රටේ ව්‍යවස්ථාදායක සභාව පොහොසත් බවට ලෝකය පේන චිත්‍රයේ කැපි පෙණෙනම රේඛාව සම්බන්ධන්ය.ඒ රේඛාවට ලැබි ඇති වර්ණය වියැලෙන්නට,මැකෙන්නට නොදී රැක ගනිමින් මේ රටේ දේශපාලන ඉතිහාසය වෙනස් කරන යහපාලනයක් මත ආණ්ඩුව රඳවා තබන්නට සම්බන්ධන්ට සහ ඔහුගේ නායකත්වයට ශක්තිය ලැබේවා යන්න ‘ද කළම්ඹු පෝස්ට් පැතුමය.

No comments:

Post a Comment