සැනසිලි සැරසිලි

වෙසක් දවසේ වෙබ් එකේ අජිත්ගෙ පිංතූරයට ලියන කවිය බ්ලොග් එකේ අලවලා යන්න හිතුණා.
වෙබ් එකේ ලින්ක් එක http://thecolombopost.net/?p=110280

බලන්න කියවලා.මේව ඉතිං වෙසක්ම නෙමෙයි.වෙසක් වලට අවුරුදු වලට කියලා අපි කූඩු වගේ අලව ගන්න දේවල් නෙ තියෙන්නෙ.නැත්නම් ජීවිතය හැමදාම එකයි.

අලවා ගත් හීන රැලි
තනා ගන්නට අපේ කූඩුව
නොවැරදී යා යුතුය අකුරට
පමා කළ නොහැක 
රිදවන්න අකමැතිය ගුරු සිත

දවසෙන් දවස උස යන
අකුරක් නෙලා ගන්නට
ඉණිමං ඕනෑය රුපියල්
වතු පිටි නැති කලට
අර ගෙන ආපු පරපුර
මහමඟ ගෙනත් අතුරන
සවිය පමණයි අපේ උරුමය

කූඩුවක් කියන්නෙ හැඩ ඇති 
කොළ ගොඩක් පමණ නොව
මිල වලින් නොකිය හැකි
වටිනාකමකි දින පතා වැඩි වන

නවතින්න මොහොතක්
රැගෙන යන්නට කූඩුවක්
මිනිස් කූඩුවක සැඟවුණ 
අඳුර දුරු කරනු විලසට

ඡායා – අජිත් සෙනවිරත්න
පද -නිශ්මං රණසිංහ